நிச்சயதார்த்தம்

மாலை மாற்றி

நமக்கு நிச்சயதார்த்தம்

நாளை தானடி

உன் குங்குமஏற்றம்

என் வாசலில்

உனக்கு ஆரத்தி

என்னோடு வா

நீ சீமாட்டி

அம்மா உன்னை

கொஞ்சி பேணுவாள்

அப்பா உன்னை

மகளென போற்றுவார்

அன்பே என்று

நானும் அழைப்பேன்

கண்ணே நீயும்

என்னோடு வந்தாள்

உன் வீட்டில்

நீ யுவராணி

என் வீட்டில்

நீ மகராணி

உன் விரல்

தலைகோத வேண்டும்

உன் நகம்

தேகம் தீண்ட வேண்டும்

இதழ்கள் விருந்துகள்

பரிமாற வேண்டும்

பற்களும் கொஞ்சம்

பசி யார வேண்டும்

நாவும் மெல்ல

நாட்டியம் ஆட

வளையல் மெட்டி

ஓசை எழுப்ப

நெஞ்சில் ஒரு

லப்டப் சத்தம்

பஞ்சும் நெருப்பும்

அக்கம் பக்கம்

கடிகார முள்போல

நாமும் இணைய

அச்சம் தேவையில்லை

மிச்சம் களைய

மனைவி

என் இம்சைகளும்
அக்கறை
என்ற உனக்கு
என் அக்கறையும்
இம்சை
ஆனது ஏன்...

பத்து நாள் என்
வருகை
காத்திருந்த நீ
பத்து நிமிடம்
எனக்காக
வர நேரமில்லை

Cell’ல் message உம்
Gtalk’ல் chatting உம்
மணிக்கணக்கில் அன்று
பேச கூட நேரமில்லை இன்று

அன்பே
நான் அறிவேன்
நீ செய்வது
எல்லாம் எனக்காக என்று
இருந்தும்
மனம் உன்னையே நாடுது
உன் வாசம் தேடுது.....

தண்டனை

கத்தி யின்றி ரத்த மின்றி

நரக வேதனை

புத்தி உண்டு சித்தி உண்டு

மீள தோனலை

கள் நெஞ்சு அது கொய்து

உள்ளே சென்றாய்

என் இதயம் அதை சென்று

நீயும் பிடித்தாய்

மௌன மாக நீ நடக்க

நானும் ரசித்தேன்

கொஞ்சம் கடந்து எனை சென்று

திரும்பி சிரித்தாய்

உன் சிரிப்பை காதல் என

நானும் நினைத்தேன்

அதை கலைத்து நட்பு என

நீயும் உரைத்தாய்

என் தனிமையில் உன் நினைவுகள்

நாளும் வருகுதே

உனைப் பிரிந்து என் மனது

நாளும் வாடுதே

இந்த ஜீவன் இனி எதற்கு

எண்ணம் தோன்றுதே

உனை மறந்து நான் வாழ

எனக்கு தெரியலை

நான் வாழ உனைக் கொன்றேன்

என் இதயத்தில்

உனைக் கொன்ற என் இதயத்துக்கு

ஏது தண்டனை...................

முத்தம்

முகிலின் முத்தம் மழை

உளியின் முத்தம் சிலை

கதிரவனின் முத்தம் காலை

மதியின் முத்தம் மாலை

கடலின் முத்தம் அலை

கவியின் முத்தம் கலை

கதையின் முத்தம் அந்தம்

காவியத்தின் முத்தம் ஆனந்தம்

இதழில் முத்தம் காமம்

இதயத்தில் முத்தம் காதல்...